கூகுள் ஸ்டேசன் - அதிவேக இலவச இணையம்

கூகுள் நிறுவனம் செப்டம்பர்  மாதம் இந்திய ரயில் நிலையங்களில்  RailWire என்ற பெயரில் இலவச அதிவேக இணைய வசதியை அறிமுகப்படுத்தியது. தற்போது அதனை Google Station என்று   பெயர் மாற்றம்  செய்துள்ளது.

கூகுள் ஸ்டேசன்

கூகுள் ஸ்டேசன் அதிவேக  இணைய  சேவையை ரயில் நிலையங்களில் மட்டுமல்லாமல் வணிக வளாகங்கள், பேருந்து நிலையங்கள், நகர மையங்கள் ஆகியவற்றுக்கு விரிவுப்படுத்தவுள்ளது. மேலும் இந்தியாவைத் தவிர வேறு நாடுகளுக்கும் இந்த சேவையை அளிக்க முடிவெடுத்துள்ளது. 

இதற்காக வர்த்தக பங்காளர்களை எதிர்பார்த்துக் கொண்டிருக்கிறது கூகுள் நிறுவனம். தற்போது இலவசமாக வழங்கும் இந்த இன்டர்நெட் வசதியை விரைவில் கட்டணமாக்க திட்டமிட்டுள்ளது.

தற்போது 53 நிலையங்களில் இருக்கும் இந்த வசதி இந்த ஆண்டு இறுதிக்குள் நூறு ரயில் நிலையங்களாக அதிகப்படுத்தவுள்ளது.

தமிழ்நாட்டில் உள்ள கூகுள் ஸ்டேசன் ரயில் நிலையங்கள்:

1. சென்னை எக்மோர்
2. சென்னை சென்ட்ரல்
3. தாம்பரம் ரயில் நிலையம்
4. திருச்சிராப்பள்ளி ஜங்சன்
5. மதுரை ஜங்சன்
6. கோயம்பத்தூர் ஜங்சன்

மேலும் தகவலுக்கு https://station.google.com/