இனி அனைவருக்கும் புதிய ஜிமெயில்

ஜிமெயில் கடந்த அக்டோபர் மாதம் எளிதாக மெயில் அனுப்புவதற்கு புதிய வசதியை (New Compose) கொண்டுவந்தது. இதைப் பற்றி இனி ஈஸியா (ஜி)மெயில் அனுப்பலாம் என்ற பதிவில் பார்த்தோம். தற்போது இந்த வசதியை கட்டாயமாக  கொண்டுவந்துள்ளது.

தற்போது நீங்கள் ஜிமெயிலுக்கு உள்நுழையும் போதே இது பற்றி அறிவிப்பு காட்டும். Continue கொடுத்து பயன்படுத்தலாம்.

இந்த புதிய முறையில், Compose என்பதை க்ளிக் செய்தால் Pop-Up விண்டோவில் மெயில் அனுப்பலாம்.

விண்டோவின் கீழே, முன்பு மெயிலில் உள்ள வசதிகள் இருக்கும். அதை பயன்படுத்திக் கொள்ளலாம். இதில் புதிதாக ஆயிரத்திற்கும் மேற்பட்ட ஸ்மைலீஸ் உள்ளதைப் பற்றி ஜிமெயில் ஆயிரம் - அறிவோம் ஆயிரம்
என்ற பதிவில் கூட பார்த்தோம்.

இந்த புதிய முறை பிடிக்கவில்லை என்றால், தற்காலிகமாக, பெட்டியின் கீழே More Options பட்டனை க்ளிக் செய்து, "Temporarily switch back to old compose" என்பதை க்ளிக் செய்து பழைய முறைக்கு மாறிக் கொள்ளலாம்.

கவனிக்க, தற்காலிகமாக மட்டுமே மாறலாம். விரைவில் பழைய முறையை நீக்கவுள்ளது.

Pop-Up விண்டோவில் மெயில் எழுதுவது எனக்கு பிடிக்கவில்லை. உங்களுக்கு?