தமிழ்மணத்தில் ஓட்டு போட்டது யார்? #2

தமிழ்மணத்தின் ரகசியங்கள் (இப்படியும் சொல்லலாம்) பற்றி கடந்த பதிவில் பார்த்தோம் அல்லவா? தற்போது தமிழ்மணத்தில் உள்ள வேறு சில விவரங்களைப் பார்ப்போம். இந்த தகவல்கள் அதிகம் புதியவர்களுக்காக மட்டும்.

தமிழ்மணத்தில் உள்ள வசதிகளில் ஒன்று ஓட்டு போடுதல். இதில் பதிவு பிடித்திருந்தால் ப்ளஸ் ஓட்டு போடுவதற்கும், பிடிக்கவில்லை என்றால் மைனஸ் ஓட்டு போடுவதற்கும் வசதி உள்ளது.

தமிழ்மணத்தில் இணைக்கப்படும் ஒவ்வொரு பதிவிற்கும் பிரத்யேக எண்கள் (Unique ID) கொடுக்கப்படும். அதை இரண்டு வழிகளில் தெரிந்துக் கொள்ளலாம்.

தமிழ்மணம் ஓட்டுபட்டையில் உள்ள Thumbs Up படத்தில் வைத்து "Copy link location" என்பதை கிளிக் செய்து, எங்கேயாவது ஒரு இடத்தில் Paste செய்யுங்கள். அந்த முகவரி இப்படி இருக்கும்,

http://tamilmanam.net/rpostrating.php?s=P&i=1184495

இதில் சிவப்பு நிறத்தில் உள்ள எண்கள் தான் உங்கள் பதிவின் ஐடி ஆகும்.

அல்லது, தமிழ்மணத்தில் உங்கள் பதிவு தெரியும் போது தலைப்பில் வைத்து Right Click செய்து "Copy link address"என்பதை கிளிக் செய்து, எங்கேயாவது ஒரு இடத்தில் Paste செய்யுங்கள். அந்த முகவரி இப்படி இருக்கும்,

http://tamilmanam.net/forward_url.php?url=http://www.bloggernanban.com/2012/08/how-to-use-tamilmanam-thiratti.html&id=1184495

இதில் சிவப்பு நிறத்தில் உள்ள எண்கள் தான் உங்கள் பதிவின் ஐடி ஆகும்.

இப்போது  நம்மிடம் இருக்கும் அந்த ஐடி எண்கள் மூலம் ஓட்டு போட்டது யார்? என்று தெரிந்துக் கொள்ளலாம். அதற்கு

http://tamilmanam.net/who_voted.php?id=1184495

என்ற முகவரிக்கு செல்ல வேண்டும். (மேலே உள்ள சிவப்பு எண்களை நீக்கிவிட்டு உங்கள் பதிவின் எண்களைக் கொடுக்கவும்)


அந்த பதிவிற்கு ஆதரவு மற்றும்  எதிர் ஓட்டு போட்டவர்களின் பட்டியலைக் காட்டும். ஆனால் யார் ஆதரவு ஓட்டு போட்டார்கள், யார் எதிர் ஓட்டு போட்டார்கள் என்பது தெரியாது.

ஒன்றல்ல இரண்டு, இரண்டும் ஒன்றல்ல:

தமிழ்மணம் திரட்டி இரண்டு முகவரிகளில் இயங்குகிறது. 

ஒன்று www.tamilmanam.net மற்றொன்று www.tamilmanam.net/index.html

பார்க்க இரண்டும் ஒன்று போல தோன்றினாலும் இரண்டும் வேறு வேறு. சில சமயங்களில் இவற்றில் ஒரு முகவரியில் பதிவுகள் சரியாக தோன்றும், இன்னொரு முகவரியில் பழைய பதிவுகளைக் காட்டும். சில சமயம் இரண்டிலும் சரியாக காட்டும். சில சமயம் இரண்டிலும் தவறாக காட்டும்.

பழைய பதிவுகளை காட்டுகிறது

புதிய பதிவுகளை காட்டுகிறது

எந்த முகவரியில் சரியாக காட்டுகிறது என்பதை "வாசகர் பரிந்துரை" பகுதியையோ, அல்லது முகப்பு பக்கத்தில்இருக்கும் (விளம்பர பதிவுகள் தவிர்த்து) வந்திருக்கும் பதிவுகளை பார்த்தோ தெரிந்துக் கொள்ளலாம்.

இறைவன்  நாடினால், மேலும் சில ரகசியங்களை அடுத்த பகுதியில் பார்ப்போம்.