ப்ளேட்பீடியா பதிவும், ப்ளாக்கர் SEO வசதியும்

ப்ளாக்கர் நண்பன் தளத்தில் நண்பர் ப்ளேட்பீடியா கார்த்திக் அவர்கள் Search Engine Optimization (SEO) பற்றிய ஆங்கிலத்தில் பெயர் வைத்தால் வரிவிலக்கு என்ற விருந்தினர் பதிவை பகிர்ந்திருந்தார். அதனை ப்ளாக்கர் தளம் படித்ததோ, என்னமோ? அவர் சொன்ன முறையை எளிமையாக செய்வதற்கான வசதியை தற்போது அளித்துள்ளது.


நண்பர் கார்த்திக் சொன்னது:

நீங்கள் Avengers படத்தின் விமர்சனம் எழுதி, பதிவின் தலைப்பை 'The Avengers - 2012 - Movie Review' என வைத்தால், பதிவின் URL தலைப்பு "avengers-2012-movie-review.html" என பொருத்தமாக வந்திடும்!

நீங்கள் பதிவின் பெயரை தமிழில் வைத்தால் கூகிள் ப்ளாக்கர் - தன்னிச்சையாக ஏதாவது ஒரு முகவரியை தெரிவு செய்யும்! முகவரிகளின் தலைப்பிற்கும், உங்கள் பதிவில் உள்ள தகவலிற்கும் எந்தவொரு தொடர்பும் இன்றி "1.html", "blog-post_19.html" என்று உபயோகமில்லாத ஒன்றாய் இருக்கும்!

இதற்கு  தீர்வாக பதிவின் தலைப்பில் ஆங்கில வார்த்தைகளை சேர்த்து பதிவிட்டு உடனடியாக ஆங்கில வார்த்தைகளை நீக்குமாறு சொல்லியிருந்தார்.

தற்போது ப்ளாக்கர் தளம் அவ்வாறு சிரமமில்லாமல் நமக்கு விருப்பமான பெயர் வைக்க Permalink என்னும் புது வசதியை அளித்துள்ளது.

பதிவெழுதும் பக்கத்தில் வலதுபுறம் Post Settings என்பதற்கு கீழே Permalink என்ற வசதி இருக்கும்.

Automatic URL - நம் தலைப்பை வைத்து தானாக ப்ளாக்கர் எடுத்துக் கொள்ளும்முகவரி. தமிழில் உள்ளதால் blog-post_27.html என்று முடிகிறது. (Screenshot எடுக்கும் போது SEO என்னும் வார்த்தையை சேர்க்கவில்லை)

Custom URL - நமக்கு விருப்பமானமுகவரியை கொடுக்கலாம்.

Custom URL என்பதை கிளிக் செய்து நமக்கு விருப்பமான தலைப்பை கொடுக்கலாம். இடைவெளி விடக் கூடாது. பிறகு Done என்பதை கிளிக் செய்யவும்.

ஒன்றுக்கு மேற்பட்ட வார்த்தைகள் என்றால் Hyphen சேர்க்கவும். இல்லையென்றால் எல்லா எழுத்துக்களும் ஒரே வார்த்தையாக தேடுபொறிகள் எடுத்துக் கொள்ளும்.

Update: இந்த வசதி ஒரு சிலருக்கு மட்டுமே வந்துள்ளது. பலருக்கு வரவில்லை.

குறிப்பு: இது ஒரு Exclusive பதிவாகும். ப்ளாக்கர் தளமே இன்னும் அதிகாரப்பூர்வமாக இன்னும் அறிவிக்கவில்லை. Park Android தளத்திற்காக பதிவெழுதும் போது தான் கவனித்தேன். ஹிஹிஹிஹி...

Update (18/07/2012): தற்போது இந்த வசதி அனைவருக்கும் வந்துள்ளது. இந்த வசதியை பெற நீங்கள் புதிய Dashboard-ஐ பயன்படுத்த வேண்டும்.