Facebook Application உருவாக்குவது எப்படி?

சமூக இணையதளங்களில் தனித்து விளங்குவது பேஸ்புக் தளம். நீங்கள் பேஸ்புக் பயன்படுத்தி வந்தால் அதில் உள்ள Facebook applications பற்றி நிச்சயம் தெரிந்திருக்கும். இந்த பதிவில் நமது தளத்திற்கு தனியாக ஒரு பேஸ்புக் அப்ளிகேசன் உருவாக்குவது எப்படி? என்று பார்ப்போம்.

இது ஒரு மீள்பதிவு என்றும் சொல்லலாம். ஏனெனில் இது பற்றி வேறொரு மிகவும் பயனுள்ள பதிவொன்றில் கூறியுள்ளேன். இனி வழிமுறைகளை பார்ப்போம்.

1. முதலில் https://developers.facebook.com/apps என்ற முகவரிக்கு செல்லுங்கள்.

2. அங்கே Create New App என்னும் பட்டனை கிளிக் செய்யுங்கள்.

3. பிறகு உங்கள் அப்ளிகேசன் பெயரையும், முகவரியையும் கொடுத்து Continue என்பதை கிளிக் செய்யுங்கள்.

App Name - உங்கள் தளத்தின் பெயரை கொடுங்கள். தமிழிலும் கொடுக்கலாம்.

App Namespace - அப்ளிகேசனுக்கான முகவரி பெயர். ஆங்கிலத்தில் மட்டும் தான் கொடுக்க வேண்டும். உதாரணத்திற்கு "bloggernanban"

Web Hosting - இது நமக்கு தேவையில்லை. வெறுமனே விட்டுவிடுங்கள்.

4. பிறகு திரையில் தெரியும் எண்ணை பெட்டியில் கொடுத்து நீங்கள் மனிதர் தான் என்பதை நிரூபியுங்கள். :) :) :)

5. பிறகு வரும் பக்கத்தில் உங்கள் ப்ளாக் முகவரியையும், பிரிவையும் கொடுங்கள்.

App domain - நீங்கள் ப்ளாக்ஸ்பாட் முகவரியை பயன்படுத்தினால் blogspot.com என்று மட்டும் கொடுங்கள். சொந்த டொமைனாக இருந்தால் அதனை கொடுங்கள். உதாரணத்திற்கு, "www.bloggernanban.com" bloggernanban.com (www என்று சேர்க்கக் கூடாது)

Category - உங்கள் தளம் எந்த பிரிவை சார்ந்தது என்பதை தேர்ந்தெடுங்கள். எதுவுமில்லை எனில் other என்பதை தேர்ந்தெடுங்கள்.

6. அதே பக்கத்தில் "website with facebook login" என்ற இடத்தில் உங்கள் ப்ளாக் முகவரியை கொடுங்கள். உதாரணத்திற்கு "http://www.bloggernanban.com", "http://bloggernnaban.blogspot.com"

7. பிறகு Save Changes என்பதை கிளிக் செய்யுங்கள். அவ்வளவு தான்! உங்கள் தளத்திற்கான பேஸ்புக் அப்ளிகேசன் தயார்!

App ID என்பதற்கு பக்கத்தில் எண்கள் இருக்கும். அதனை குறித்து வைத்துக் கொள்ளுங்கள். பிறகு தேவைப்படும்.

பேஸ்புக் அப்ளிகேசன் உருவக்கியாயிற்று. சரி, இதனை வைத்து என்ன செய்வது?

இறைவன் நாடினால் விரைவில் அதனைப் பற்றி பார்ப்போம்.