ப்ளாக் தொடங்குவது எப்படி? [பகுதி-18]

நாம் பயணத்தில் இருக்கும் போதோ அல்லது மற்ற சமயங்களிலோ கணினியை அணுக முடியாமல் இருக்கலாம். சில நேரங்களில் ப்ளாக்கர் தளத்தை பார்க்க முடியாமல் இருக்கலாம். அது போன்ற சமயங்களில் மொபைல் மூலமாகவும், மின்னஞ்சல் மூலமாகவும் பதிவிடும் வசதியை ப்ளாக்கர் தந்துள்ளது. அதை பற்றி இங்கு பார்ப்போம்.

Blogger Dashboard => Settings => Mobile and Email பகுதிக்கு சென்றால் பின்வரும் வசதிகள் இருக்கும்.

Mobile:

மொபைல் மூலம் பதிவிடுவதற்கு SMS/MMS வசதி இருக்க வேண்டும். இந்த வசதி நமக்கு தேவையில்லாததால் இது பற்றிய வீடியோ மட்டும் இணைத்துள்ளேன். அதனை பார்க்கவும்.

Email:

Posting using email - இதில் நீங்கள் ரகசிய குறியீடு (எண் அல்லது எழுத்து) கொடுக்க வேண்டும். அதனுடன் சேர்த்து உங்களுக்கென்று தனி மின்னஞ்சல் முகவரி கிடைக்கும். அந்த முகவரிக்கு உங்கள் மின்னஞ்சலில் இருந்து மெயில் அனுப்பினால் அது பதிவாக எடுத்துக் கொள்ளப்படும்.

• Publish email immediatly - நாம் அனுப்பும் மெயிலை உடனடியாக பிரசுரித்துவிடும்.
• Save emails as draft post - நாம் அனுப்பும் மெயிலை பதிவிடாமல் Draft பகுதியில் வைத்திருக்கும்.
• Disabled - இந்த வசதியை நிறுத்திவிடும்.

Comment Notification Email - இங்கு உங்கள் மின்னஞ்சல் முகவரியைக் (பத்து முகவரிகள் வரை கொடுக்கலாம்) கொடுத்தால் நமது தளத்தில் பின்னூட்டங்கள் பிரசுரமானதும் நமது மெயிலுக்கு அது பற்றிய செய்தி அனுப்பும்.

Email Posts to - இங்கு உங்கள் மின்னஞ்சல் முகவரியைக் கொடுத்தால் (பத்து முகவரிகள் வரை கொடுக்கலாம்) உங்கள் தளத்தில் பதிவுகள் இட்டதும் அந்த பதிவு உங்கள் மின்னஞ்சல் முகவரிக்கு அனுப்பப்படும். பதிவுகளை Backup எடுப்பதற்கு இது நல்ல வசதியாகும்.


இறைவன் நாடினால் அடுத்த பகுதியில் Language and Formatting பகுதியை பார்ப்போம்.