ப்ளாக் தொடங்குவது எப்படி? [பகுதி-14]

நமது ப்ளாக்கிற்கு வரும் வாசகர்கள் நமது பதிவுகளை பின்தொடர்வதற்கு பயன்படுவது Followers Gadget. இதன் மூலம் நாம் புதிய பதிவுகள் இட்ட உடனேயே நமது ப்ளாக்கை பின்தொடர்பவர்களின் டாஷ்போர்டிற்கு வந்துவிடும். அதைப் பற்றி இங்கு பார்ப்போம்.

இத்தொடரின்  அனைத்து பகுதிகளும் ஒரே பக்கத்தில் இங்கே.

நமது ப்ளாக்கில் Followers Gadget வைக்க:

ப்ளாக்கர் டாஷ்போர்டிற்கு சென்று Layout பகுதிக்கு சென்று Add a Gadget என்பதை கிளிக் செய்து Followers என்பதை க்ளிக் செய்யுங்கள்.

பிறகு தலைப்பு ஏதாவது கொடுத்துவிட்டு Save என்பதை க்ளிக் செய்யுங்கள். பிறகு உங்கள் ப்ளாக்கில் Followers Gadget தெரியும்.

கவனிக்க: உங்கள் ப்ளாக்கின் மொழியை தமிழ் என்று வைத்தால் Followers Gadget தெரியாது. அதனை ஆங்கிலத்திற்கு மாற்றவும்.

ப்ளாக்  மொழியை மாற்ற Blogger Dashboard => Settings => Language and Formatting பகுதிக்கு சென்று Language என்ற இடத்தில் English என்பதை தேர்வு செய்யுங்கள்.

இந்த மொழிமாற்றத்தால் உங்கள் பதிவில் எவ்வித மாற்றமும் ஏற்படாது. பதிவிட்ட தேதி, மாதம், கேட்ஜெட்கள், பின்னூட்ட பகுதி ஆகியவைகளில் உள்ள சில வார்த்தைகள் மட்டும் ஆங்கிலத்தில் வரும்.

மற்ற வலைப்பதிவுகளை பின்தொடர:

நீங்கள் பின்தொடர விரும்பும் பிளாக்கிற்கு சென்று அங்கு Followers Gadget எங்குள்ளது? என்று பார்க்கவும். அதில் Join this site என்பதை க்ளிக் செய்யுங்கள்.

பிறகு வரும் விண்டோவில் வலது புறம் இரண்டு விருப்பங்கள் இருக்கும்.

Follow Publicly - நாம் பின்தொடர்வது அனைவருக்கும் தெரியும்

Follow Privately - நாம் பின்தொடர்வது அந்த ப்ளாக்கை நடத்துபவர்களுக்கு கூட தெரியாது. ஆனால் அந்த ப்ளாக்கில் உள்ள பதிவுகள் நமது டாஷ்போர்டில் தெரியும்.

ஏதாவது ஒன்றை தேர்வு செய்து Follow this blog என்பதை க்ளிக் செய்யுங்கள்.

பிறகு அந்த ப்ளாக்கை நீங்கள் பின்தொடர்ந்துவிட்டீர்கள் என்று சொல்லும். அதில் Done என்பதை க்ளிக் செய்யுங்கள்.

அவ்வளவு தான்! இனி உங்கள் ப்ளாக்கர் டாஷ்போர்டில் நீங்கள் பின்தொடர்ந்துள்ள தளத்தில் புதிய பதிவுகள் வந்த உடனேயே காட்டும்.

கவனிக்க: நீங்கள் பல தளங்களை பின்தொடர்ந்தாலும் சில நேரங்களில் உங்கள் டாஸ்போர்டில் "நீங்கள் எந்த பிளாக்கையும் பின்தொடரவில்லை" என்று காட்டும். அதனை பொருட்படுத்த வேண்டாம். சில மணி நேரங்களுக்கு பிறகு சரியாகிவிடும்.

நீங்கள் பின்தொடரும் ப்ளாக்கை மற்றவர்களுக்கு பரிந்துரை செய்ய:

நீங்கள் பின்தொடர்ந்துள்ள ப்ளாக்கில் Follower Gadget-ல் Sign-In என்று இருந்தால் அதை க்ளிக் செய்து உள்நுழையுங்கள். பிறகு உங்கள் புகைப்படத்தின் கீழே Option என்பதை க்ளிக் செய்து, Invite Friends என்பதை க்ளிக் செய்யுங்கள். பிறகு பின்வரும் விண்டோ வரும்.

அதில் Google என்ற இடத்தில்உங்கள் கூகுள் ப்ளஸ் நண்பர்களின் பட்டியலை காட்டும். நீங்கள் யாருக்கெல்லாம் பரிந்துரை செய்ய விரும்புகிறீர்களோ? அவர்களின் படங்களை க்ளிக் செய்து, வலது புறம் கீழே Send Invitations என்பதை க்ளிக் செய்யுங்கள்.

அல்லது Google என்பதற்கு அருகில் உள்ள Share என்பதை க்ளிக் செய்து, பேஸ்புக், ட்விட்டர் போன்ற பல்வேறு சமூக தளங்களில் பரிந்துரை செய்யலாம்.

அல்லது வலதுபுறம் உங்கள் நண்பர்களின் மின்னஞ்சல் முகவரிகளை கொடுத்தும் பரிந்துரை செய்யலாம்.

நாம் பின்தொடரும் தளத்திலிருந்து விலகுவது பற்றி ப்ளாக்கர் நண்பன் இனி டாட் காமில்.. என்ற  பதிவில் பார்க்கவும்.

இறைவன் நாடினால் அடுத்த பதிவில் மிகவும் முக்கியமான Template பகுதியை பற்றி பார்ப்போம்.