கூகுள் ப்ளஸ்ஸில் யூட்யூப் பார்க்கலாம்

கூகிள் ப்ளஸ் தளம் புதுப்புது வசதிகளாக அறிமுகப்படுத்திவருகிறது. தற்போது யூட்யூப் வீடியோக்களை கூகிள் ப்ளஸ் தளத்திலேயே பார்க்கும் வசதியையும், நாம் பார்க்கும் யூட்யூப் வீடியோக்களை நண்பர்களுக்கு பகிரும் வசதியையும் அளித்துள்ளது. அதைப் பற்றி இங்கு பார்ப்போம்.

கூகுள் ப்ளஸ் தளத்தி நுழைந்தாலே பக்கவாட்டில் Youtube பட்டனை பார்த்திருப்பீர்கள். அதனை க்ளிக் செய்தால் சின்னதாக ஒரு தேடல் பெட்டி வரும்.

அதில் நீங்கள் விரும்பியவற்றை கொடுத்து Search என்பதை க்ளிக் செய்தால், புதிய விண்டோவில் நீங்கள் தேடியவற்றுக்கான வீடியோக்களின் பட்டியல் வரும்.

அதில் உங்களுக்கு விருப்பமானதை பார்க்கலாம். மேலும் உங்களுக்கு பிடித்த வீடியோக்களை கூகுள் ப்ளஸ் நண்பர்களுடன் பகிர்ந்துக் கொள்ளலாம். வீடியோவின் மேலே Share என்பதை க்ளிக் செய்தால் எப்பொழுதும் போல பகிரும் வசதி வரும்.

யாருக்கு பகிரப் போகிறீர்கள்? என்பதனை தேர்வு செய்து Share என்பதை க்ளிக் செய்யவும்.

Google+ Ripples:

Google+ Ripples என்னும் புதிய வசதியை சில நாட்களுக்கு முன் அறிமுகபடுத்தியது. Ripples என்றால் தண்ணீரில் கல்லெறிந்தால் சிறிய அலைப் போல காட்சி அளிக்கும் அல்லவா? அது தான். அதே போல Google+ Ripples என்றால் கூகிள் ப்ளஸ் தளத்தில் நாம் பகிர்பவற்றின் தாக்கம் எப்படி இருக்கிறது என்பதை படமாக காட்டுவது. அதாவது நாம் பகிர்பவற்றை எத்தனை நபர்கள் பகிர்கிறார்கள் என்று காட்டும். ஆனால் இது Public-ஆக பகிர்பவற்றை மட்டும் தான் காட்டும். மற்றவைகளை காட்டாது. மேலும் பழைய பகிர்வுகளை காட்டாது. உதாரணத்திற்கு கீழுள்ள படத்த பாருங்கள்.

மேலுள்ளது நான் கூகிள் ப்ளஸ் தளத்தில் பகிர்ந்தவற்றின் படம்.

நீங்கள் Public-ஆக பகிர்ந்தவற்றின் விவரங்களை பார்க்க வேண்டுமானால் உங்கள் பகிர்வுகளை ஒருவராவது Public-ஆக பகிர்ந்திருக்க வேண்டும். அப்படி பகிர்ந்திருந்தால் அந்த பகிர்வுக்கு வலதுபுறம் சின்ன ஐகான் இருக்கும். அதனை க்ளிக் செய்து View Ripples என்பதை க்ளிக் செய்தால் முழு விவரங்களையும் காட்டும்.

மேலுள்ள பகிர்வின் Ripples-ஐ பார்க்க: https://plus.google.com/ripples/details?activityid=KyEBcq5ErGw

நன்றி: Google Ripples பற்றிய ஸ்க்ரீன்ஷாட் எடுப்பதற்கு உதவி செய்வதற்காக என் பகிர்வை பகிர்ந்த நண்பர்களுக்கு நன்றி!

YouTube Logo Credit: Wikipedia.org