"தமிழ்மணத்தை" நீக்குவது எப்படி..?

நமது வலைப்பதிவுகள் பிரபலமாவதற்கு திரட்டிகள் முக்கிய காரணியாக செயல்படுவதை யாராலும் மறுக்க முடியாது. தமிழில் பல திரட்டிகள் இருந்தாலும் அவைகளில் ஒரு சில திரட்டிகள் மட்டும் தான் முன்னிலையில் இருக்கின்றன. அவற்றில் ஒன்று தான், தமிழ்மணம் திரட்டி.

சமீபத்தில் தமிழ்மணம் பற்றி தமிழ்மணம் ஒரு பய(ங்கர) டேட்டா... என்ற  பதிவு டெர்ரர் கும்மி தளத்தில் வந்தது. அதில் தமிழ்மணம் திரட்டியின் சமீப நிலைகளை நகைச்சுவையாக அல்லது நக்கலாக எழுதப்பட்டிருந்தது. அதில் பின்னூட்டமிட்ட பெயரிலி என்கிற இரமணிதரன் என்கிற தமிழ்மணத்தின் நிர்வாகி ஒருவர் அப்பதிவிற்கு ஆட்சேபனை செய்தார். அவர் ஆட்சேபனை செய்ததில் எந்த தவறும் இல்லை. ஆனால் அவர் பயன்படுத்திய வார்த்தைகள் தான் கண்டனத்துக்குரியது. சக பதிவர்கள் பலர் மீது அவர் பயன்படுத்திய கீழ்த்தரமான, கேவலமான வார்த்தைகள் இங்கு மேற்கோள்காட்டுவதற்காக கூட பிரசுரிக்க முடியாதவைகள். அந்த பதிவிற்கு சென்று நீங்களே அறிந்துக் கொள்ளுங்கள்.

மேலும், முஸ்லிம்கள் ஒருவருக்கொருவர் சந்திக்கும் போது சொல்லிக்கொள்ளும் "சாந்தியும் சமாதானமும் தங்கள் மீது நிலவட்டுமாக" என்னும் முகமனை கேலி செய்யும் விதமாக "...சாந்தியும் அவ அக்கா சமாதானியும் உங்களுடன்கூடியே..சே! பதிவுத்தோஷம்.. கூடவேயிருப்பார்கள்..." என்றுகொச்சைப்படுத்தியுள்ளார்.

பதிவுலகில்  என் நம்பிக்கைகளுக்கு எதிராக உள்ள பதிவுகள் எத்தனையோ உள்ளன. அங்கெல்லாம் சென்று என் கருத்தை பதிவு செய்வதில்லை. ஆனால் திரட்டி என்பது நமது வலைப்பதிவில் ஒரு அங்கமாகத் திகழ்கிறது. நான் மதிப்பு வைத்திருந்த ஒரு திரட்டியின் நிர்வாகி இவ்வாறு தரம் தாழ்ந்திருப்பதாலேயே என் கண்டனத்தை இங்கு பதிவு செய்கிறேன்.

எனது கோரிக்கை இது தான்,

பதிவுலக சகோதரர்களையும், இஸ்லாமிய முகமனையும் கேவலப்படுத்திய பெயரிலி மன்னிப்பு கேட்க வேண்டும். மேலும் இது பற்றி தமிழ்மணம் விளக்கம் அளிக்க வேண்டும். அதுவரை இத்தளத்தில் தமிழ்மணம் ஓட்டுப்பட்டை இருக்காது.

ஓரிரு நாட்களில் பதில் வரவில்லையெனில், தமிழ்மணத்தை முற்றிலுமாக புறக்கணிப்போம்.

தமிழ்மணம் ஓட்டுப்பட்டையை நீக்குவது எப்படி?

கடந்த இரண்டு நாட்களில் சில சகோதரர்கள் தமிழ்மணம் ஓட்டுப்பட்டையை நீக்கும் போது பிழை வருகிறது என்று சொன்னார்கள். தமிழ்மணம் ஓட்டுப்பட்டையை நீக்குவது எப்படி என்று இங்கு பார்ப்போம்.

1. முதலில் Blogger Dashboard => Template பக்கத்திற்கு செல்லுங்கள்.

2. அங்கு வலது புறம் மேலே Backup/Restore என்னும் பட்டனை க்ளிக் செய்து உங்கள் டெம்ப்ளேட்டை பேக்கப் எடுத்துக் கொள்ளுங்கள்.

3. பிறகு அதே பக்கத்தில் Edit Html என்பதை க்ளிக் செய்து, Proceed என்னும் பட்டனை க்ளிக் செய்து, Expand Widget Templates என்பதை க்ளிக் செய்யவும்.

4. பிறகு பின்வரும் நிரலை கண்டுபிடிக்கவும்.

 

<!-- tamilmaNam.NET toolbar code starts. Pathivu toolbar (c)2008 tamilmaNam.NET -->
<script language='javascript' src='http://services.thamizmanam.com/jscript.php' type='text/javascript'>
</script>


<b:if cond='data:blog.pageType == "item"'>
<script expr:src=' "http://services.thamizmanam.com/toolbar.php?date=" + data:post.timestamp + "&posturl=" + data:post.url + "&cmt=" + data:post.numComments + "&blogurl=" + data:blog.homepageUrl + "&photo=" + data:photo.url' language='javascript' type='text/javascript'>
</script>
</b:if>

<!-- tamilmaNam.NET toolbar code for Blogger ends. Pathivu toolbar (c)2008 tamilmaNam.NET -->

பிறகு மேலுள்ள நிரலை Select செய்து Delete செய்யவும்.

** இப்படி ஒரு பிரச்சனை வரும் என்று தொலைநோக்குப் பார்வையோடு சிந்தித்தார்களோ என்னவோ? வாசகர்களுக்கு சிரமம் கொடுக்கக் கூடாது என்று நிரலில் முதல் வரியில்
<!-- tamilmaNam.NET toolbar code starts. Pathivu toolbar (c)2008 tamilmaNam.NET -->
என்றும், இறுதி வரியில்
<!-- tamilmaNam.NET toolbar code for Blogger ends. Pathivu toolbar (c)2008 tamilmaNam.NET --> என்றும் கொடுத்துள்ளார்கள். இந்த இரண்டுக்கும் இடைப்பட்ட நிரல்களைத் தான் நீக்க வேண்டும்.

அவ்வளவு தான்...!

கவனிக்க: தமிழ்மணம் திரட்டி தானியங்கி முறையில் செயல்படுகிறது. ஓட்டுப்பட்டையினை நீக்கினாலும் நமது பதிவுகள் தமிழ்மணத்தில் வரும். தமிழ்மணத்திலிருந்து சரியான பதில் வராத பட்சத்தில் அவர்களுக்கு விலகல் மின்னஞ்சல் அனுப்பப்படும்.

டிஸ்கி: இப்பதிவின் தலைப்பை  "தமிழ்மணம் ஓட்டுப்பட்டையை நீக்குவது எப்படி?" என்று தான் வைக்க இருந்தேன். ஆனால் இந்த டெம்ப்ளேட்டில் நீளமான தலைப்பு வைத்தால் அது சரியாகத் தெரிவதில்லை. அதனை சுருக்கி இவ்வாறு வைத்தேன்.

Update:

இது குறித்து "பெயரிலியின் சொந்த கருத்துக்களுக்கு தமிழ்மணம் பொறுப்பாகாது" என்று தமிழ்மணம் விளக்கம் அளித்துள்ளது.