கூகிள் ப்ளஸ்ஸில் இணைகிறது ப்ளாக்கர்

கூகிள் ப்ளஸ் வந்த பிறகு தனது எல்லா தளங்களையும் அதனுடன் ஒன்றிணைத்து வருகிறது கூகிள் தளம். அதன்படி ப்ளாக்கர் தளத்தின் தோற்றத்தையும் மாற்றியது. ப்ளாக்கர் தளத்தையும் கூகிள் ப்ளஸ் தளத்தையும் ஒன்றிணைக்கும் விதமாக, இரண்டு தளங்களுக்கும் ஒரே சுயவிவர பக்கத்தை (Profile Page) பயன்படுத்தும் வசதியை அளித்துள்ளது.

தற்போது  நாம் பயன்படுத்திவரும் ப்ளாக்கர் சுயவிவரத்திற்கு பதிலாக கூகுள் ப்ளஸ் சுயவிவரத்தையே பயன்படுத்தலாம். ப்ளாக்கர் தளத்தில் உள்நுழையும் போது பின்வரும் படம் வந்தால் Get Started என்பதை சொடுக்கி மாறிக் கொள்ளலாம்.

சில நாட்களுக்கு முன் எனக்கு இது போன்ற படம் வந்தது. சொடுக்கினால் ஒன்றும் மாறவில்லை. முகப்பு பக்கத்திற்கே சென்றது.

இந்த படம் வரவில்லை என்றால் http://draft.blogger.com/switch-profile.g என்ற முகவரிக்கு செல்லவும்.

அங்கு கடைசியில் இருக்கும் Check Box பகுதியில் டிக் செய்து Switch Now என்பதை சொடுக்கவும்.

பிறகு வரும் பக்கத்தில், நீங்கள் வைத்துள்ள வலைப்பதிவுகளில் எவையெல்லாம் கூகிள் ப்ளஸ் சுயவிவர பக்கத்தில் தெரிய வேண்டும் என்பதை தேர்வு செய்து ADD BLOGS என்பதை சொடுக்கவும். இவைகளை சேர்க்க விருப்பமில்லை எனில் Skip என்பதை சொடுக்கவும்.

அவ்வளவுதான்! இனி எல்லா இடங்களிலும் ப்ளாக்கர் சுயவிவரப்பக்கங்களுக்கு பதிலாக கூகிள் ப்ளஸ் சுயவிவரம் தோன்றும்.

கவனிக்க:

1. உங்களுக்கு கூகிள் ப்ளஸ் கணக்கு இருந்தால் மட்டுமே இவ்வசதியை பெற முடியும். அதில் இணைய விருப்பமில்லை என்றால் பழையதிலேயே தொடரலாம். இப்படி மாறுவது கட்டாயமில்லை.

2. இவ்வாறு மாறும் போது ப்ளாக்கர் சுயவிவரங்களில் நாம் எழுதியவை எதுவும் புதிய சுயவிவரப்பக்கங்களில் வராது.

3. ஒரு முறை மாறியபின் மீண்டும் பழைய பக்கத்திற்கு மாற வேண்டுமெனில் http://www.blogger.com/revert-profile.g என்ற முகவரிக்குச் சென்று மாறிக்கொள்ளல்லாம். ஆனால் முப்பது நாட்களுக்குள் மாறிக் கொள்ள வேண்டும். அதற்கு பிறகு உங்கள் ப்ளாக்கர் சுயவிவரப் பக்கம் அழிக்கப்பட்டுவிடும்.

Image Credits: http://techsute.com/ and http://buzz.blogger.com/