ஆப்பிள் ஐபோன் 4S மற்றும் ப்ளாக்கர் மாற்றம்

உலகமெங்கும் எதிர்ப்பார்க்கப்பட்ட ஆப்பிள் ஐபோனின் ஐந்தாம் பதிப்பான Apple iPhone 4S சமீபத்தில் அறிமுகப்படுத்தப்பட்டுள்ளது. இதுவரை நான் ஐபோன் பயன்படுத்தியது இல்லை. அதனால் விரிவாக இதை பற்றி சொல்லப் போவதில்லை. கொஞ்சம் மட்டும் பார்ப்போம்.

இந்த புதிய பதிப்பில் என்னை கவர்ந்தது, SIRI என்னும் பெண் குரலில் உள்ள Voice Control Application. இதனிடம் நீங்கள் பேசலாம், அதுவும் உங்களுக்கு பதில் அளிக்கும். இதன் மூலம் யாருக்காவது SMS அனுப்ப சொல்லலாம், நமக்கு வந்துள்ள SMS-ஐ படிக்கச் சொல்லலாம், ஏதாவது ஒரு தகவலை நமக்கு பின்னால் நினைவுபடுத்த சொல்லலாம். இப்படி இன்னும் நிறைய. கீழுள்ள வீடியோவை பாருங்கள்.




இந்த வசதி இந்தியாவில் எந்த அளவு சாத்தியம் என்று தெரியவில்லை. காரணம் இதற்கு அதிவேகமுள்ள இணைய வசதி வேண்டும். மேலும் சில புதிய வசதிகளைப் பற்றி அறிய கீழுள்ள வீடியோவை பார்க்கவும்.




ப்ளாக்கர் LightBox மாற்றம்:

LightBox என்னும் புதிய வசதி பற்றி ப்ளாக்கரில் புதிய பட வசதி - LightBox என்ற பதிவில் பார்த்தோம். அந்த வசதி பலருக்கு பிடிக்காததால் அதனை நீக்குவது பற்றியும் அப்பதிவில் பார்த்தோம். தற்போது அதனை எளிமைப் படுத்தியுள்ளது. இவ்வசதியை நீக்க,

Blogger Dashboard => Settings =>Post and Comments என்ற பகுதிக்கு சென்று, அங்கு Open images in Lightbox என்ற இடத்தில் "No" என்பதை தேர்வு செய்து Save கொடுக்கவும்.

நீங்கள்  பழைய Dashboard பயன்படுத்தினால், Blogger Dashboard => Settings => Formatting என்ற பகுதிக்கு சென்று, அங்கு Open images in Lightbox என்ற இடத்தில் "No" என்பதை தேர்வு செய்து Save கொடுக்கவும்.


இந்த வசதியை வைப்பதால் ஒரு பயன் இருக்கிறது. பொதுவாக புகைப்படத்தை க்ளிக் செய்தால் அது இன்னொரு பக்கத்திற்கு சென்று முழு அளவையும் காட்டும். இதனால் துள்ளல் விகிதம் அதிகமாகும். இந்த வசதியை வைப்பதன் மூலம் துள்ளல் விகிதம் கொஞ்சம் குறையும்.


iPhone Image Credit: www.apple.com
iPhone Video Credit: www.techcrunch.com