கூகுள் வெப்மாஸ்டர் டூல் - Links to your site

முதல் பகுதி: கூகுள் வெப்மாஸ்டர் டூல் - அறிமுகம் 
இரண்டாம் பகுதி: கூகுள் வெப்மாஸ்டர் டூல் - Site Configuration 
மூன்றாம் பகுதி: கூகுள் வெப்மாஸ்டர் டூல் - Search Queries

இந்த  பகுதியில் நாம் காணவிருப்பது, உங்கள் தளத்திற்கு யாரெல்லாம் இணைப்பு கொடுத்திருக்கிறார்கள்? எப்படி கொடுத்திருக்கிறார்கள்? உங்கள் தளத்தின் எந்த பக்கங்கள் அதிக முறை இணைப்பு கொடுக்கப்பட்டிருக்கிறது? என்பதை அறிய உதவும் "Links to your site" பற்றி.


தேடுபொறி  ரகசியங்கள் தொடரில் Backlinks எனப்படும் பின்னிணைப்புகள் பற்றி பார்த்தோம். மேலும் கூகிள் தேடுபொறியில் அதிகமான தளங்களுக்கு Backlinks காட்டுவதில்லை என்றும், அனைத்து பின்னிணைப்புகளையும் காண வெப்மாஸ்டர் தளத்தில் பார்க்க வேண்டும் எனவும் கூறியிருந்தேன். அதை தான் இங்கு பார்க்கப்போகிறோம்.

வெப்மாஸ்டர் டூல் தளத்தில், உங்கள் தள டாஷ்போர்டில் "Your Site on the Web" என்பதை க்ளிக் செய்து, அங்கு இரண்டாவதாக உள்ள ''Links to your site" என்பதை க்ளிக் செய்தால், உங்கள் தளத்திற்கு கொடுக்கப்பட்டுள்ள இணைப்புகள் பற்றிய விவரங்களை காணலாம்.

[படங்களை பெரிதாக காண, படங்களின் மீது க்ளிக் செய்யவும்]

Overview என்பதற்கு கீழே, Total Links என்பதில் மொத்தம் எத்தனை இணைப்புகள் உங்கள் தளத்திற்கு கொடுக்கப்பட்டுள்ளது என்பதை காட்டும். இதில் உங்கள் தளத்திற்குள் கொடுக்கப்பட்டுள்ள உள்இணைப்புகளை காட்டாது. மற்ற தளங்களில் கொடுக்கப்பட்டுள்ள இணைப்புகளை மட்டும் தான் காட்டும்.

அந்த பக்கத்தில் காணப்படும் மூன்று விபரங்கள்,

Who links the most:

எந்தெந்த தளங்கள் உங்கள் தளத்திற்கு இணைப்பு கொடுத்திருக்கிறார்கள்? என்ற விபரங்கள். இவைகள் Backlinks ஆகும். உங்கள் தளத்திற்கு அதிக இணைப்புகள் கொடுத்துள்ள முதல் ஐந்து தளங்களை காட்டும். அதற்கு கீழே More என்பதை க்ளிக் செய்தால் முழுவிவரங்களையும் காட்டும். கீழ் உள்ள படத்தை பாருங்கள்.

Domains -  உங்கள் தளத்திற்கு இணைப்பு கொடுத்த தளங்கள். அந்தந்த தளத்தின் பெயரை க்ளிக் செய்து மேலும் சில விபரங்களை தெரிந்துக் கொள்ளலாம்.

Links-  அந்த தளத்தில் எத்தனை இணைப்புகள் கொடுக்கப்பட்டிருக்கிறது? என்ற விபரம்

Linked Pages - அந்த தளங்களில், உங்கள் தளத்தில் உள்ள எத்தனை பக்கங்களுக்கு இணைப்பு கொடுக்கப்பட்டிருக்கிறது? என்ற விபரம்.

ப்ளாக்கர் தளங்களில் உள்ள உங்களது இணைப்புகள் அனைத்தும் blogspot.com என்பதில் இருக்கும்.

Your most linked content:

எந்த பதிவுகளுக்கு அதிக இணைப்புகள் கொடுத்திருக்கிறார்கள்? என்ற விபரங்கள்.

Your Pages: இணைப்பு கொடுக்கப்பட்டுள்ள உங்கள் ப்ளாக்கின் பக்கங்கள்.

Links: ஒவ்வொரு பக்கங்களுக்கும் எத்தனை இணைப்புகள் கொடுக்கப்பட்டுள்ளது என்ற விபரம்.

Source Domains: அந்த பக்கங்களுக்கு எத்தனை தளங்கள் இணைப்பு கொடுத்துள்ளது? என்ற விபரம்.

Your Pages-ல் காட்டும் உங்கள் பதிவு முகவரியில் க்ளிக் செய்தால் மேலும் சில விபரங்களை காணலாம்.

How your data is linked:

எப்படி இணைப்பு கொடுத்திருக்கிறார்கள்? என்ற விபரங்கள். அதாவது நாம் முன்பு பார்த்த Anchor Text எப்படி கொடுத்திருக்கிறார்கள் ? என்ற விபரங்கள்.

 இதிலிருந்து நாம் என்ன கற்கலாம்?

நமது தளத்திற்கு Backlinks-ஐ அதிகரிக்க, ட்விட்டர், பேஸ்புக், கூகுள் ப்ளஸ் போன்ற சமூக தளங்களிலும், இன்ட்லி, தமிழ்மணம் போன்ற திரட்டிகளிலும், நமது பதிவுகளை பகிர்வது நல்லது. மேலும் நம்முடைய தளத்திற்கு யாரெல்லாம் இணைப்பு கொடுத்திருக்கிறார்கள்? என்பதை அறிந்துக் கொள்ளலாம்.
______________________________________________________________________________

keywords மற்றும் Internal Links பற்றி இறைவன் நாடினால் அடுத்த பகுதியில் காணலாம்.


SEO Comic: