கூகுள் வெப்மாஸ்டர் டூல் - Labs

முதல் பகுதி: கூகுள் வெப்மாஸ்டர் டூல் - அறிமுகம்

இரண்டாம் பகுதி: கூகுள் வெப்மாஸ்டர் டூல் - Site Configuration

மூன்றாம் பகுதி: கூகுள் வெப்மாஸ்டர் டூல் - Search Queries

நான்காம் பகுதி: கூகுள் வெப்மாஸ்டர் டூல் - Links to your site

ஐந்தாம் பகுதி: கூகுள் வெப்மாஸ்டர் டூல் - K.I.S

ஆறாம் பகுதி: கூகுள் வெப்மாஸ்டர் டூல் - +1 Metrics

ஏழாம்  பகுதி: கூகுள் வெப்மாஸ்டர் டூல் - Diagnostics

எட்டாம்  பகுதி: கூகுள் வெப்மாஸ்டர் டூல் - HTML suggestions

கூகுள்  வெப்மாஸ்டர் தொடரின் இறுதியாக, அவ்வளவாக பயன்படாத  Labs பற்றி பார்ப்போம். வெப்மாஸ்டர் பக்கத்தில் இடதுபுற sidebar-ல் இருக்கும் Labs என்பதை க்ளிக் செய்தால் அங்கு Instant Previews, Site Performance, Video Sitemapsஎன்று இருக்கும்.

 Instant Previews - கூகிள் உங்கள் தளத்தை ஊடுருவும்போது அதன் கண்களுக்கு (கூகிளுக்கு கண் இருக்கான்னுலாம் கேட்கக் கூடாது!) உங்கள் தளம் எப்படி தெரிகிறது என்பதை காட்டும். இது நமக்கு அவசியமில்லை.

Video Sitemaps - Sitemap பற்றி பார்த்தோம் அல்லவா? அதனை வீடியோ வடிவாகவும் சமர்ப்பிக்கலாம். இதுவும் நமக்கு அவசியமில்லை.

Site Performance - நமது தளம் லோட் ஆவதற்கு சராசரியாக எவ்வளவு நேரம் எடுக்கிறது? என்பதை காட்டும். குறைவான நேரத்தில் லோட் ஆகும் தளங்களுக்கு தான் கூகிள் முக்கியத்துவம் அளிக்கிறது. உங்கள் தளங்கள் லோட் ஆக அதிக நேரம் எடுத்துக் கொண்டால், அதனை குறைப்பதற்கான வழிவகைகளை செய்யுங்கள்.

உங்கள் ப்ளாக் வேகமாக லோட் ஆக சில வழிகள்:

1. முகப்பு பக்கத்தில் பதிவுகள் முழுவதுமாக தெரியும்படி வைத்தீர்கள் என்றால் ஒன்று அல்லது இரண்டுக்கு மேல் வைக்க வேண்டாம். அப்படியில்லையெனில், இத்தளத்தில் உள்ளது போல் Read More வைத்து அதிகபட்சமாக ஏழு பதிவுகள் தெரியும்படி வைக்கலாம்.

2. தேவையில்லாத, அளவுக்கதிகமாக Gadgets-களை சேர்க்காதீர்கள். ஃப்ளாஷ் கேட்ஜெட்களும் லோட் ஆக அதிக நேரம் ஆகும்.

3. சிம்பிளான டெம்ப்ளேட்களை பயன்படுத்துங்கள். சில டெம்ப்ளேட்களே லோட் ஆக அதிக நேரம் எடுத்துக் கொள்ளும்.

4. தேவையிருப்பின் மட்டுமே வீடியோக்களை பதிவில் சேருங்கள்.

5. குறிப்பிட்ட சில திரட்டி ஓட்டு பட்டைகளை மட்டும் சேர்க்கவும். அதிகமான திரட்டிகளை சேர்த்தாலும் லோட் ஆக அதிக நேரமாகும்.

6. படங்களை (Images) சேர்த்தால் சிறிய அளவிலான படங்களை மட்டும் சேருங்கள். சில படங்களின் கொள்ளளவு MB கணக்கில் இருக்கும். அவற்றின் அளவை குறைத்து சேருங்கள்.

தொடர்  முற்றும், மற்றவை தொடரும்..

______________________________________________________________________________


டிஸ்கி (அல்லது) நன்றியுரை:

வெப்மாஸ்டர் டூல் பற்றி எழுத சொன்ன நண்பர் ப்ரேம் அவர்களுக்கும், இத்தொடருக்கான உதவிக்குறிப்புகளை தந்து உதவிய கூகிளுக்கும் என் மனமார்ந்த நன்றி! இத்தொடர் எழுத ஆரம்பித்த பிறகு தான் இதில் உள்ள பல வசதிகளை நானே அறிந்துக் கொண்டேன்.