ஏமாற்றத்தைக் கொடுத்த ப்ளாக்கர் புது வசதி

ப்ளாக்கர் தளம் தனது டாஷ்போர்ட் தோற்றத்தை மாற்றியுள்ளது அனைவருக்கும் தெரியும். நம்முடைய ப்ளாக்கை விதவிதமாக பார்க்கும் வசதியை அறிமுகப்படுத்தவுள்ளதாக இப்படியும் படிக்கலாம்! (Dynamic Views) என்ற பதிவில் பார்த்தோம். தற்போது அந்த வசதியை அறிமுகப்படுத்திவிட்டது.

இந்த வசதி மூலம் நமது தளத்தை ஏழு விதமாக பார்க்கலாம். அவைகள்,


Classic, FlipCard, Magazine, Mosaic, Sidebar, Snapshot, TimeSlide

இந்த புதிய வசதியை ஆக்டிவேட் செய்ய, Blogger Dashboard => Template பகுதிக்கு செல்லுங்கள்.

அங்கு Dynamic Views என்ற பகுதியில் ஏழு டிசைன்களும் இருக்கும். அவற்றில் ஏதாவது ஒன்றை க்ளிக் செய்யுங்கள்.

அந்தந்த டிசைன்களின் preview காட்டும். அதில் உங்களுக்கு பிடித்ததை தேர்ந்தெடுத்து, Apply to Blog என்பதை க்ளிக் செய்யுங்கள்.

அவ்வளவுதான்! இனி உங்கள் ப்ளாக் புதிய தோற்றத்தில் காட்சி அளிக்கும்.

புதிய  வசதியை ஆக்டிவேட் செய்த பிறகு, அது பிடிக்காமல் பழைய டெம்ப்ளேட்டை பயன்படுத்த நினைத்தால்,

அதே Template பக்கத்தில் மேலே Customize என்னும் பட்டனை க்ளிக் செய்யுங்கள்.

பிறகு வரும் பக்கத்தில் Revert To Previous Template என்பதை க்ளிக் செய்யுங்கள். உங்கள் டெம்ப்ளேட் பழைய நிலைக்கு மாறிவிடும்.

இதனை தற்போது பயன்படுத்த வேண்டாம். ஏனெனில் இந்த புது வசதியில் சில குறைகள் இருக்கின்றன.

1. Sidebar-ல் நாம் சேர்த்துள்ள எந்த gadgets-ம் தெரியவில்லை.

2. Rss Feed-ஐ நாம் முழுவதுமாக வைக்க வேண்டும். இல்லையெனில் Read More-ஐ க்ளிக் செய்தாலும் அதனையே காட்டுகிறது. முழு பதிவையும் காட்டுவதில்லை.

3. Load ஆக அதிக நேரம் எடுக்கிறது.

4. நீங்கள் எந்த டிசைனை தேர்ந்தெடுத்தாலும், வாசகர்கள் தமக்கு பிடித்தவாறு பார்க்க வசதியாக ப்ளாக் மேலே இடதுபுறம் டிசைன்களின் பெயர்கள் Drop Down முறையில் இருக்கிறது. ஆனால் அந்த எழுத்துக்கள் தெரியவில்லை.

5. இவைகள் எல்லாவற்றையும்விட ஓட்டு பட்டைகள் தெரிவதில்லை.

ஆனால் வி.....ரை.....வி.....ல் இதனை ப்ளாக்கர் சரி செய்துவிடும் என்று நம்புகிறேன். மேலே சொன்ன பிரச்சனைகளில் முதல் இரண்டை பிளாக்கருக்கு சொல்லியிருக்கிறேன். நீங்களும் அவர்களுக்கு இதனை பற்றி சொல்ல நினைத்தால் இங்கு க்ளிக் செய்து சொல்லவும்.