ட்விட்டரில் நமது பதிவுகளை பகிர

நமது பதிவுகளை பிரபலமாக்க திரட்டிகளும், பேஸ்புக், ட்விட்டர், கூகிள் ப்ளஸ் போன்ற சமூக வலைத்தளங்களும் பெரிதும் உதவுகின்றன. ஏற்கனவே ஒரு பதிவில் ஃபேஸ்புக்கில் நமது பதிவுகளை பகிர்வது பற்றி பார்த்தோம். தற்போது ட்விட்டர் தளத்தில் நமது பதிவுகளை Feedburner மூலம் தானாகவே பகிர்வது எப்படி? என்று பார்ப்போம்.

1. முதலில் feedburner.com தளத்திற்கு சென்று உங்கள் கூகிள் கணக்கு மூலம் உள்நுழையுங்கள்.

2. அங்கு உங்கள் ப்ளாக்கின் பெயரும், ப்ளாக் RSS Feed-ஐ எத்தனை பேர் பின்தொடர்கிறார்கள் என்றும் காட்டும். ப்லாக்கின் பெயரை க்ளிக் செய்யுங்கள்.

3. பிறகு மேலே ஐந்து Tab-கள் இருக்கும். அதில் Publicize என்பதை க்ளிக் செய்யுங்கள்.

4. பிறகு இடதுபுறம் Socialize என்பதை க்ளிக் செய்யுங்கள்.

5. பிறகு Add a Twitter Account என்பதை க்ளிக் செய்யுங்கள்.

6. அங்கு உங்கள் ட்விட்டர் தளத்தின் பயனர் பெயரையும், கடவுச்சொல்லையும் கொடுத்து, Authorize App என்பதை க்ளிக் செய்யுங்கள்.

7. திரும்பவும் feedburner தளத்திற்கே வரும். அங்கு நீங்கள் சேர்த்துள்ள ட்விட்டர் கணக்கை காட்டும். இனி நீங்கள் ப்ளாக்கரில் பகிரும் பதிவுகள் தானாகவே ட்விட்டரில் பகிரப்படும்.

feedburner பக்கத்தில் சில வசதிகள் இருக்கும். விருப்பப்பட்டால் மாற்றிக்கொள்ளலாம்.

இன்றைய இணையம்:

1. ஆன்ராய்ட் மொபைல்களை அதிகம் தயாரிக்கும் மோடோரோலா கம்பெனியை கூகிள் 12.5 பில்லியன் டாலருக்கு வாங்கியுள்ளது. ஆன்ராய்ட் தொழில்நுட்பத்தை மேம்படுத்தப் போவதாகவும் அறிவித்துள்ளது.

2. பதிவுலகில் புதிய முயற்சியாக நண்பர்கள் சிலர் இணைந்து "Hunt For Hint" என்ற புதிர்ப்போட்டியை நேற்று தொடங்கியுள்ளனர். விருப்பம் இருந்தால் விளையாடி பாருங்கள். உங்கள் அறிவுக்கு சரியான பயிற்சி!

அது பற்றிய விபரம்: HUNT FOR HINT - புதிர் போட்டி - பரிசு 10,000 ரூபாய்