ஒபாமா இறந்துவிட்டதாக ட்விட்டரில் வதந்தி

வதந்தி: அமெரிக்க அதிபர் பராக் ஒபாமா அமெரிக்காவின் தேசிய தினமான இன்று (July 4th) அடையாளம் தெரியாத நபர்களால் இரண்டு முறை துப்பாக்கியால் சுட்டுக் கொல்லப்பட்டார். இதனை ஃபாக்ஸ் நியூஸ் நிறுவனம் தனது ட்விட்டர் தளத்தில் அறிவித்துள்ளது.

செய்தி: புகழ்பெற்ற செய்தி நிறுவனமான ஃபாக்ஸ் நியூஸ் நிறுவனத்தின் அரசியல் பிரிவுக்கான ட்விட்டர் கணக்கை யாரோ ஹேக் செய்துவிட்டார்கள். அவர்கள் இன்று காலை மேற்சொன்ன செய்தியை ட்விட்டரில் பகிர்ந்துள்ளார்கள். ஃபாக்ஸ் நியூசின் ட்விட்டரில் 33,782 ஃபால்லோவர்ஸ்(Followers) இருக்கிறார்கள். அவர்களில் அதிகமானோர் இதனை உண்மை என நம்பி ReTweet செய்துள்ளார்கள்.

தங்கள் ட்விட்டர் கணக்கு ஹேக் செய்யப்பட்டதையும், அதிபர் ஒபாமா நலமாக தான் இருக்கின்றார், வதந்தியை நம்பவேண்டாம் எனவும் ஃபாக்ஸ் நியூஸ் நிறுவனம் தனது தளத்தில் அறிவித்துள்ளது.

டிஸ்கி: நான்கு நாட்களாக கூகிள் ப்ளஸ் தொடர்பாக இணையத்தில் உலாவியதால் பதிவு எழுத முடியவில்லை. இந்த செய்தியை படித்தவுடன் "நல்ல ஹிட் ஆகும்" (ஹிஹிஹி) என எண்ணி பதிவிடுகிறேன். தவறிருந்தால் மன்னிக்கவும்.

டிஸ்கி  2:  இந்த தலைப்பை போட்டிருக்கக் கூடாது என்ற நண்பர்களின் கருத்தை நான் ஏற்கிறேன். இனி இதனை தவிர்த்துக் கொள்கிறேன். இந்த செய்தியை நான் வேறு ஏதாவது தளத்தில் கண்டிருந்தால் பதிவிட்டிருக்க மாட்டேன். தொழில்நுட்பத் தளங்களில் பிரபலமான TechCrunch.com தளத்தில் இந்த செய்தியை பார்த்ததால் தான் பதிவிட்டேன். மீண்டும், மன்னிக்கவும்!