பிடிக்காத மெயில்களை தவிர்ப்பது எப்படி?

 ஜிமெயில் ஹேக் பற்றிய பதிவில் நண்பர்கள் ஃபெரோஸ் கான் அவர்களும், வைரை சதீஷ் அவர்களும் ஒரு சந்தேகம் கேட்டிருந்தனர். அதாவது நமக்கு வரும் குழும மெயில்களையோ, அல்லது வேறு மெயில்களையோ இன்பாக்ஸில் வருவதை தவிர்த்து தானாக அழிப்பது அல்லது தனி லேபில்ஸ் கொடுத்து தனியாக வைத்திருப்பது பற்றி கேட்டிருந்தனர். அதற்கு Filter வசதி நமக்கு உதவி செய்கிறது.

[படங்கள் சரியாக தெரியவில்லையெனில் அதனை கிளிக் செய்து பார்க்கவும்.]

நமக்கு வரும் குழும மின்னஞ்சல்களிலோ அல்லது மற்ற மின்னஞ்சல்களிலோ மேலே உள்ள More என்பதை கிளிக் செய்து Filter messages like this என்று கொடுங்கள்.

இங்கு தான் தேவையில்லாத மின்னஞ்சல்களை எப்படி வடிகட்ட (Filter) வேண்டும் என்று கொடுக்க வேண்டும். இவற்றில் உள்ள முக்கிய தேர்வுகள்,

From – வடிகட்ட நினைக்கும் மின்னஞ்சல் முகவரி கொடுங்கள். உதாரணத்திற்கு குழும மெயில் முகவரி.

Subject –  Subject பகுதியில் எந்த வார்த்தை இருந்தால் வடிக்கட்ட வேண்டும்? என்று கொடுங்கள்.

Has the words – மின்னஞ்சலில் எந்த வார்த்தைகள் இருந்தால் வடிக்கட்ட வேண்டும்? என்று கொடுங்கள்.

இவற்றை  கொடுத்துவிட்டு Create filter with this search என்பதை கிளிக் செய்யுங்கள்.

பிறகு பல்வேறு தேர்வுகள் வரும். வடிகட்டிய மெயில்களை என்ன செய்ய வேண்டும்? என்பதை அங்கே கொடுக்க வேண்டும். அவற்றில் சில,

Skip the inbox (Archive it) – இன்பாக்ஸில் வராதவாறு செய்வதற்கு. All Mails லேபிளை கிளிக் செய்தால் இந்த மெயில்களை பார்க்கலாம்.

Apply the label – வடிகட்டும் மின்னஞ்சல்களுக்கு லேபிள் கொடுப்பதற்கு. இதனை கொடுத்தால் வடிகட்டிய மின்னஞ்சல்களை எளிதில் தேடலாம்.

Delete it – வடிகட்டும் மின்னஞ்சல்களை தானாக அழிப்பதற்கு.

உங்கள் தேர்வுகளை கொடுத்தப்பின் Create Filter என்பதை கிளிக் செய்யுங்கள். பிறகு உங்கள் தேர்வுகளின்படி மின்னஞ்சல்கள் வடிகட்டப்படும். இதனால் நமக்கு பிடிக்காத மெயில்கள் இன்பாக்ஸில் தெரிவதை தவிர்க்கலாம்.

நீங்கள் செய்த Filter-களை மாற்றம் செய்வதற்கோ அல்லது நீக்கம் செய்வதற்கோ, Gmail Settings => Filters பகுதியில் சென்று செய்துக் கொள்ளலாம்.