தமிழ் தளங்கள் பணம் சம்பாதிக்க வந்துவிட்டது ஆட்சென்ஸ்

நமது வலைத்தளங்களில் விளம்பரம் வைத்து பணம் சம்பாதிக்க கூகுள் நிறுவனம் ஆட்சென்ஸ் (Adsense) சேவையை வழங்குகிறது. பல மொழிகளுக்கு கொண்டுவரப்பட்ட இந்த வசதி தமிழ் மொழிக்கு நெடுங்காலமாக தரப்படவில்லை. ஒரு வழியாக தமிழ் மொழிக்கும் ஆட்சென்ஸ் வந்துவிட்டது. இனி தமிழ் தளங்களில் நாம் பணம் சம்பாதிக்கலாம்.



ப்ளாக்கர் நண்பன் (புதிய) பேஸ்புக் பக்கத்தை மறக்காமல் லைக் செய்யுங்கள். https://www.facebook.com/ப்ளாக்கர்-நண்பன்-159870241462001/

ஆட்சென்ஸ் கணக்கு - தகுதிகள்:

1. உங்கள் தளத்தின் முகவரி .com, .net போன்று கஸ்டம் டொமைனாக இருக்க வேண்டும். .blogspot.com போன்ற Sub-Domain முகவரிக்கு விண்ணப்பிக்க முடியாது. Update: தமிழ் ப்ளாக்ஸ்பாட் தளங்களுக்கு ஆட்சென்ஸ்

2. உங்கள் தளத்தில் போதுமான பதிவுகள் இருக்க வேண்டும். குறைந்தபட்சம் 20 பதிவுகளாவது இருக்க வேண்டும்.

3. உங்கள் பதிவுகள் வேறு தளங்களில் வெளிவராததாக இருக்க வேண்டும். காப்பி பேஸ்ட் பதிவுகள் ஏற்றுக்கொள்ளப்படாது.

 ஆட்சென்ஸ் கணக்கு - கவனிக்க வேண்டியவை:

1. உங்கள் தளத்தில் உள்ள விளம்பரங்களை நீங்களே க்ளிக் செய்யக் கூடாது.

2. உங்கள் நண்பர்களையோ, வாசகர்களையோ விளம்பரத்தை க்ளிக் செய்ய சொல்லக்கூடாது.

3. உங்கள் தளத்தின் வருகையாளர்கள் விளம்பரத்தை க்ளிக் செய்வதற்கு எவ்விதமான தவறான வழிகளையும் பின்பற்றக் கூடாது.

இவை அடிப்படை தகவல்கள் மட்டுமே. முழு விவரங்களுக்கு: https://support.google.com/adsense/answer/48182

தமிழ் தளங்களுக்கு ஆட்சென்ஸ் வாங்க:

1. முதலில் www.adsense.com முகவரிக்கு சென்று Signup now என்பதை க்ளிக் செய்யுங்கள்.


2. உங்கள் ப்ளாக் முகவரி, இமெயில் முகவரியைக் கொடுத்து "Save and Continue" என்பதை க்ளிக் செய்யுங்கள்.


3. "Select your Country" என்ற இடத்தில் நீங்கள் இருக்கும் நாட்டை தேர்வு செய்து, "Yes, I have read and accept the agreement" என்ற இடத்தில் டிக் செய்து Create Account என்பதை க்ளிக் செய்யவும்.

4. Payment address details என்ற இடத்தில் உங்கள் இல்ல முகவரியையும், மொபைல் எண்ணையும் சரியாக கொடுக்கவும்.



5. Verify Your Phone Number என்ற இடத்தில் Text message அல்லது Voice Call என்பதை தேர்வு செய்து Get Verification Code என்பதை க்ளிக் செய்யவும்.


6. Enter Verification Code என்ற இடத்தில் உங்கள் மொபைலுக்கு வந்த வெரிஃபிகேஷன் எண்களை கொடுத்து Submit என்பதை க்ளிக் செய்யவும்.

7. உங்களுக்கு ஒரு Code கிடைக்கும். அதனை Step 8-ல் உள்ளவாறு உங்கள் தளத்தில் இணைத்து, கீழுள்ள இரண்டு கட்டங்களிலும் டிக் செய்து Done என்பதை க்ளிக் செய்யவும்.


8. உங்கள் ப்ளாக்கில் Theme பகுதிக்கு சென்று, Edit Html க்ளிக் செய்து, </head> என்ற Code-கு மேலே உங்கள் Adsense Code-ஐ Paste செய்து, Save Theme என்பதை க்ளிக் செய்யுங்கள்.


9. Step 8,7-ஐ செய்த பிறகு Adsense தளத்தில் பின்வருமாறு காட்டும்.

உங்கள் ஆட்சென்ஸ் கணக்கு அப்ரூவ் ஆக சில தினங்கள் (அதிகபட்சமாக 15 நாட்கள்) ஆகலாம். அதுவரை நீங்கள் காத்திருக்க வேண்டும். ஒருவேளை உங்கள் கணக்கு நிராகரிக்கப்பட்டால், அதற்கான காரணத்தை சரி செய்து மீண்டும் விண்ணப்பிக்கலாம்.



தமிழுக்கு ஆட்சென்ஸ் வந்துவிட்டது, இனி நாம் லட்சக்கணக்கில் சம்பாதிக்கலாம் என்று நீங்கள் கனவு காணும் முன், இறைவன் நாடினால் விரைவில் வரவிருக்கும்  பதிவை மறக்காமல் படிக்கவும்.

தமிழ் ப்ளாக்ஸ்பாட் தளங்களுக்கு ஆட்சென்ஸ்

கடந்த ஆட்சென்ஸ் பதிவில் ப்ளாக்ஸ்பாட் (blogspot) தளங்களுக்கு ஆட்சென்ஸ் கிடையாது என்றும், கஸ்டம் டொமைன் வாங்க வேண்டுமென்றும் கூறியிருந்தேன். அது தவறு, ப்ளாக்ஸ்பாட் தளங்களுக்கும் ஆட்சென்ஸ்  கிடைக்கும். எப்படி என்று இப்பதிவில் பார்ப்போம்.


ஆட்சென்ஸ் கணக்கில் Hosted Account, Non-Hosted Account என்று இரண்டு வகைகள் உள்ளது.

Hosted Account
- யூட்யூப், ப்ளாக்ஸ்பாட் போன்ற தளங்கள் மூலம் விண்ணப்பிக்கும் கணக்கு Hosted Account ஆகும். இவ்வாறு பெறப்படும் ஆட்சென்ஸ் கணக்கை ப்ளாக்கர் அல்லாத தளங்களில் பயன்படுத்த முடியாது. ஆனால் ஒரு Hosted கணக்கு மூலம் பல ப்ளாக்கர் தளங்களிலும் பயன்படுத்தலாம் (ஒவ்வொரு ப்ளாக்கர் தளங்களுக்கும் தனி தனியாக அப்ரூவல் வாங்க வேண்டும்).

Non-Hosted Account: .com, .net
போன்ற கஸ்டம் டொமைன்களைக்கொண்டு ஆட்சென்ஸ் தளத்தில் நேரடியாக விண்ணப்பிக்கும் கணக்கு Non-Hosted Account. இந்த கணக்கில் முதல் ஒரு தளத்திற்கு அப்ரூவல் கிடைத்துவிட்டால் போதும். அதனைக் கொண்டு எத்தனை தளங்களில் வேண்டுமானாலும் அப்ரூவல் வாங்காமலேயே பயன்படுத்தலாம்.

தமிழ் ப்ளாக்ஸ்பாட் தளங்களுக்கு ஆட்சென்ஸ் வாங்க:

முதலில் உங்கள் ப்ளாக்கர் Dashboard-ல் Earnings பகுதிக்கு சென்று Sign up for Adsense என்பதை க்ளிக் செய்யுங்கள்.


பிறகு உங்கள் நாட்டை தேர்வு செய்து, Yes, I have read and accept the agreement என்ற இடத்தில் டிக் செய்து Create Account என்பதை க்ளிக் செய்யுங்கள்.



பிறகு முந்தைய பதிவில் சொன்னது போல உங்கள் Payment address Details கொடுக்கவும். எல்லாம் செய்த பின் உங்கள் ப்ளாக்கர் தளத்திற்கு சென்று கீழுள்ளவாறு காட்டும்.

உங்கள் தளத்தில் விளம்பரம் எவ்வாறு தெரிய வேண்டும் என்பதை தேர்வு செய்து Save Settings என்பதை க்ளிக் செய்யவும்.

உங்கள் ஆட்சென்ஸ் கணக்கு அப்ரூவல் ஆன பிறகு உங்கள் தளத்தில் விளம்பரங்கள் தெரியும்.

ஆட்சென்ஸ் மூலம் எவ்வளவு சம்பாதிக்கலாம் என்பதை இறைவன் நாடினால் அடுத்த பதிவில் பார்க்கலாம்.



டிஸ்கி: தமிழ் தளங்களுக்கு ஆட்சென்ஸ் வந்துவிட்டதால் நான் மீண்டும் எழுத தொடங்கிவிட்டேன் என்று நினைக்க வேண்டாம். ப்ளாக்கர் நண்பன் தளம் ஆட்சென்ஸால் நிராகரிக்கப்பட்டுள்ளது. இத்தளத்தில் விளம்பரம் தெரியாது.

ப்ளாக்கர் தளங்களுக்கு கூகுளின் பாதுகாப்பு வசதி

பிளாக்கர் தளங்களில் .com, .net போன்று கஸ்டம் டொமைன் (Custom Domain) வைத்திருக்கும் பயனாளர்களுக்கு கூகுள் தளம் புதிய பாதுகாப்பு வசதியை தந்துள்ளது. அது HTTPS எனப்படும் பாதுகாப்பு வசதி ஆகும்.



பொதுவாக நம் இணையதள முகவரியை கொடுக்கும்போது http (Hypertext Transfer Protocol) என்று தொடங்கும். இவ்வாறு தொடங்கும் தளங்களுக்கு பாதுகாப்பு கிடையாது. அதுவே HTTPS எனத்தொடங்கும் தளங்கள் பாதுகாப்பானதாகும். https தளங்களுக்கும், பயனாளர்களுக்கும் இடையில் நடைபெறும் தகவல் பரிமாற்றங்கள் பாதுகாப்பாக இருக்கும். இதனால் தான் மின்னஞ்சல்கள், வங்கித் தளங்கள் போன்ற தகவல்/பண பரிமாற்றங்கள் நடக்கும் தளங்களின் முகவரிகள் https என்று தொடங்குகிறது.

பொதுவாக SSL Certificate என சொல்லப்படும் இந்த வசதியை சில டொமைன் விற்கும் தளங்கள் கூடுதல் விலைக்கு விற்கின்றன. தற்போது இவ்வசதியை ப்ளாக்கர் தளம் இலவசமாக தருகிறது.

இவ்வசதியை பெற Blogger தளத்தில் Settings => Basic பகுதிக்கு செல்லுங்கள்.




HTTPS என்பதற்கு கீழே, HTTPS availability என்ற இடத்தில் "Yes" என்பதை தேர்வு செய்யுங்கள்.







HTTPS வசதி Process ஆகிறது என்று வரும். பிறகு உங்கள் தள முகவரியை https உடன் கொடுத்தால் வேலை செய்கிறதா? என்று பாருங்கள். உதாரணத்திற்கு https://www.bloggernanban.com

அப்படி வேலை செய்தால், அதே Settings => Basic பகுதியில் HTTPS redirect என்ற இடத்திலும் "Yes" கொடுங்கள்.





இது எதற்கென்றால், யாராவது உங்கள் http முகவரியை கொடுத்தால் தானாகவே https முகவரிக்கு மாறிவிடும்.


கவனிக்க: தற்போது https முகவரியை பயன்படுத்தினால் தமிழ்மணம் ஓட்டுபட்டை தெரிவதில் பிரச்சனை ஏற்படலாம். அப்படி ஏற்பட்டால் இவ்வசதியை தவிர்த்துக் கொள்ளலாம்.

Google பிறந்த நாள் சர்ப்ரைஸ் ஸ்பின்னர்

Google பிறந்த நாள் சர்ப்ரைஸ் ஸ்பின்னர் மூலம் கூகுள் தனது பத்தொன்பதாவது பிறந்தநாளை இன்று கொண்டாடுகிறது.





இன்றைய Doodle ஐ கிளிக் செய்வதன் மீது, கடந்த 19 ஆண்டுகளில் கூகுள் அறிமுகப்படுத்திய 19 டூடுல் விளையாட்டுகளை விளையாடலாம். மேலும் புதிதாக நோக்கியா மொபைல்களில் பிரபலமான பாம்பு விளையாட்டையும் விளையாடலாம். உங்களுக்கு எந்த விளையாட்டு பிடித்துள்ளது என்பதை தெரிவியுங்கள்.

ஜிமெயில் ஈமெயில் ஐடி உருவாக்குவது எப்படி?

பெரும்பாலான இணையதள வசதிகளை நாம் பயன்படுத்துவதற்கு மின்னஞ்சல் எனப்படும் ஈமெயில் நமக்கு அவசியமாகிறது. மின்னஞ்சல் சேவையில் சிறந்து விளங்கும் ஜிமெயில் ஐடி உருவாகுவது எப்படி? என்று பார்ப்போம்.



மேலே உள்ள வீடியோவில் ஈமெயில் உருவாக்கும் வழிமுறையை எளிதாக விளக்கியுள்ளேன். குரல்பதிவு இல்லை, இருப்பினும் வீடியோவைப் பார்த்தாலே புரியும்.



மின்னஞ்சல் உருவாக்கம் என்பது அடிப்படைத் தகவல், பெரும்பாலும் அனைவருக்கும் தெரிந்திருக்கும். கணினி அடிப்படைகளை இணையத்தில் பதிவு செய்வதற்காகவே இந்த வீடியோ. மேலும் பல வீடியோ பதிவுகளை எதிர்பார்க்கலாம்.

வேறு என்ன தகவல்களை வீடியோவாக நீங்கள் பார்க்க விரும்புகிறீர்கள் என்பதை கமெண்ட்டில் தெரிவிக்கலாம்.

யூட்யூப் சேனலை சப்ஸ்க்ரைப் செய்ய இங்கே க்ளிக் செய்யவும்.
Creative Commons License இந்த வலைப்பதிவின் உள்ளடக்கம் அனைத்தையும் Creative Commons Attribution-ShareAlike 3.0 Unported License உரிமத்தின் அடிப்படையில் வழங்குகிறேன்.

Friends

Google+ Followers