ஆட்சென்ஸில் எவ்வளவு சம்பாதிக்கலாம்?

தமிழ் தளங்களுக்கு ஆட்சென்ஸ் கிடைத்தது பற்றி கடந்த பதிவுகளில் பார்த்தோம். இன்று ஆட்சென்ஸ் மூலம் எவ்வளவு சம்பாதிக்கலாம் என்று பார்ப்போம்.


அதற்கு முன்பு ஆட்சென்ஸ் தொடர்பான சில வார்த்தைகளை நீங்கள் தெரிந்துக் கொள்வது அவசியம்.

Estimated Gross Revenue - நீங்கள் ஈட்டிய வருமானம்
Page Views - விளம்பரம் உள்ள பக்கங்கள் எத்தனை முறை பார்க்கப்பட்டுள்ளது
Impressions - எத்தனை விளம்பரங்கள் பார்க்கப்பட்டுள்ளது
Clicks - எத்தனை முறை விளம்பரங்கள் க்ளிக் செய்யப்பட்டுள்ளது
Page CTR - சராசரியாக உங்கள் பக்கத்தில் க்ளிக் செய்யப்படும் விகிதம்
Cost Per Click (CPC) - ஒரு க்ளிக்கிற்கு கிடைக்கும் வருமானம்
Page RPM - ஆயிரம் பார்வைகளுக்கு கிடைக்கும் சராசரி வருமானம்

இது போல மேலும் பல இருக்கின்றன, அவைகளை தெரிந்துகொள்ள வேண்டிய அவசியம் இல்லை.

விளம்பரங்கள் க்ளிக் செய்யப்பட்டால் மட்டுமே உங்களுக்கு வருமானம் கிடைக்கும். யாருமே நம் தளங்களில் உள்ள விளம்பரங்களை க்ளிக் செய்யவில்லை என்றால் நமக்கு வருமானமும் இல்லை.


மேலே உள்ள படம் ஆட்சென்ஸ் டாஷ்போர்டில் உள்ள ரிப்போர்ட் ஆகும்.

விளம்பரம் உள்ள பக்கம் 565 முறை பார்க்கப்பட்டுள்ளது. (Page Views)

இதில் 975 விளம்பரங்கள் பார்க்கப்பட்டுள்ளது. (Ad Impressions)

சராசரியாக 1.35 சதவீதம் பேர் விளம்பரங்களை க்ளிக் செய்துள்ளனர். (CTR)

ஒரு க்ளிக்கிற்கு கிடைத்த தொகை 0.08$ (Cost Per Click)

14 விளம்பரங்கள் க்ளிக் செய்யப்பட்டுள்ளது. (Clicks)

இதன் மூலம் கிடைத்த பணம் = 1.17$

மேலே சொன்ன வார்த்தைகளில் Cost Per Click (CPC) மிகவும் முக்கியமாகும். ஒரு விளம்பர க்ளிக்கிற்கு நமக்கு எவ்வளவு கிடைக்கும் என்பதாகும்.

இந்த Cost Per Click தொகை, க்ளிக் செய்யப்படும் விளம்பரத்திற்கு விளம்பரதாரர் கொடுக்கும் கட்டணத்தைப் பொறுத்து வேறுபடும்.

இந்தியாவில் விளம்பரம் செய்யும் விளம்பரதாரர்களைவிட, அமெரிக்காவில் விளம்பரம் செய்யும் விளம்பரதாரர்கள் அதிக கட்டணம் செலுத்துகின்றனர். அதனால் உங்கள் தளத்தில் உள்ள விளம்பரத்தை இந்தியாவில் இருப்பவரைவிட அமெரிக்காவில் வசிப்பவர் க்ளிக் செய்தால் கூடுதல் பணம் கிடைக்கும்.

மேலும் விளம்பரத்தின் வகையை பொருத்தும் Cost Per Click மாறுபடும். ஒரு புத்தக விளம்பரத்தைவிட லோன் விளம்பரம் மூலம் அதிக பணம் கிடைக்கும். இதில் புத்தகம்.லோன் என்பது Keywords ஆகும்.

அதிக பணம் தரும் Keywords என்று பல இருக்கின்றன. அந்த Keywords தொடர்பான தளங்களை நீங்கள் உருவாக்கி, அதிக பார்வையாளர்களை பெற்றால் அதிக பணத்தை ஆன்லைனில் சம்பாதிக்கலாம்.

ஆனால் தமிழ் தளம் என்கிற போது தமிழ் விளம்பரதாரர்கள் பெருகும் வரை இந்த ஆங்கில Keywords அதிகம் எடுபடாது. அதனால் அதிக பார்வையாளர்களை பெரும் வகையில் இணையத்தளம் உருவாக்குங்கள்.

ஆட்சென்ஸில் பணம் சம்பாதிக்க நினைப்பவர்கள் ஒன்றை மட்டும் நினைவில் கொள்ளுங்கள். கூகுள் உங்களைவிட ஸ்மார்ட். அதனால் அதிக பணம் சம்பாதிக்க வேண்டும் என்று எவ்வித ஏமாற்று வழிகளையும் பின்பற்றாதீர்கள்!

தமிழ் தளங்கள் பணம் சம்பாதிக்க வந்துவிட்டது ஆட்சென்ஸ்

நமது வலைத்தளங்களில் விளம்பரம் வைத்து பணம் சம்பாதிக்க கூகுள் நிறுவனம் ஆட்சென்ஸ் (Adsense) சேவையை வழங்குகிறது. பல மொழிகளுக்கு கொண்டுவரப்பட்ட இந்த வசதி தமிழ் மொழிக்கு நெடுங்காலமாக தரப்படவில்லை. ஒரு வழியாக தமிழ் மொழிக்கும் ஆட்சென்ஸ் வந்துவிட்டது. இனி தமிழ் தளங்களில் நாம் பணம் சம்பாதிக்கலாம்.



ப்ளாக்கர் நண்பன் (புதிய) பேஸ்புக் பக்கத்தை மறக்காமல் லைக் செய்யுங்கள். https://www.facebook.com/ப்ளாக்கர்-நண்பன்-159870241462001/

ஆட்சென்ஸ் கணக்கு - தகுதிகள்:

1. உங்கள் தளத்தின் முகவரி .com, .net போன்று கஸ்டம் டொமைனாக இருக்க வேண்டும். .blogspot.com போன்ற Sub-Domain முகவரிக்கு விண்ணப்பிக்க முடியாது. Update: தமிழ் ப்ளாக்ஸ்பாட் தளங்களுக்கு ஆட்சென்ஸ்

2. உங்கள் தளத்தில் போதுமான பதிவுகள் இருக்க வேண்டும். குறைந்தபட்சம் 20 பதிவுகளாவது இருக்க வேண்டும்.

3. உங்கள் பதிவுகள் வேறு தளங்களில் வெளிவராததாக இருக்க வேண்டும். காப்பி பேஸ்ட் பதிவுகள் ஏற்றுக்கொள்ளப்படாது.

 ஆட்சென்ஸ் கணக்கு - கவனிக்க வேண்டியவை:

1. உங்கள் தளத்தில் உள்ள விளம்பரங்களை நீங்களே க்ளிக் செய்யக் கூடாது.

2. உங்கள் நண்பர்களையோ, வாசகர்களையோ விளம்பரத்தை க்ளிக் செய்ய சொல்லக்கூடாது.

3. உங்கள் தளத்தின் வருகையாளர்கள் விளம்பரத்தை க்ளிக் செய்வதற்கு எவ்விதமான தவறான வழிகளையும் பின்பற்றக் கூடாது.

இவை அடிப்படை தகவல்கள் மட்டுமே. முழு விவரங்களுக்கு: https://support.google.com/adsense/answer/48182

தமிழ் தளங்களுக்கு ஆட்சென்ஸ் வாங்க:

1. முதலில் www.adsense.com முகவரிக்கு சென்று Signup now என்பதை க்ளிக் செய்யுங்கள்.


2. உங்கள் ப்ளாக் முகவரி, இமெயில் முகவரியைக் கொடுத்து "Save and Continue" என்பதை க்ளிக் செய்யுங்கள்.


3. "Select your Country" என்ற இடத்தில் நீங்கள் இருக்கும் நாட்டை தேர்வு செய்து, "Yes, I have read and accept the agreement" என்ற இடத்தில் டிக் செய்து Create Account என்பதை க்ளிக் செய்யவும்.

4. Payment address details என்ற இடத்தில் உங்கள் இல்ல முகவரியையும், மொபைல் எண்ணையும் சரியாக கொடுக்கவும்.



5. Verify Your Phone Number என்ற இடத்தில் Text message அல்லது Voice Call என்பதை தேர்வு செய்து Get Verification Code என்பதை க்ளிக் செய்யவும்.


6. Enter Verification Code என்ற இடத்தில் உங்கள் மொபைலுக்கு வந்த வெரிஃபிகேஷன் எண்களை கொடுத்து Submit என்பதை க்ளிக் செய்யவும்.

7. உங்களுக்கு ஒரு Code கிடைக்கும். அதனை Step 8-ல் உள்ளவாறு உங்கள் தளத்தில் இணைத்து, கீழுள்ள இரண்டு கட்டங்களிலும் டிக் செய்து Done என்பதை க்ளிக் செய்யவும்.


8. உங்கள் ப்ளாக்கில் Theme பகுதிக்கு சென்று, Edit Html க்ளிக் செய்து, </head> என்ற Code-கு மேலே உங்கள் Adsense Code-ஐ Paste செய்து, Save Theme என்பதை க்ளிக் செய்யுங்கள்.


9. Step 8,7-ஐ செய்த பிறகு Adsense தளத்தில் பின்வருமாறு காட்டும்.

உங்கள் ஆட்சென்ஸ் கணக்கு அப்ரூவ் ஆக சில தினங்கள் (அதிகபட்சமாக 15 நாட்கள்) ஆகலாம். அதுவரை நீங்கள் காத்திருக்க வேண்டும். ஒருவேளை உங்கள் கணக்கு நிராகரிக்கப்பட்டால், அதற்கான காரணத்தை சரி செய்து மீண்டும் விண்ணப்பிக்கலாம்.



தமிழுக்கு ஆட்சென்ஸ் வந்துவிட்டது, இனி நாம் லட்சக்கணக்கில் சம்பாதிக்கலாம் என்று நீங்கள் கனவு காணும் முன், இறைவன் நாடினால் விரைவில் வரவிருக்கும்  பதிவை மறக்காமல் படிக்கவும்.

தமிழ் ப்ளாக்ஸ்பாட் தளங்களுக்கு ஆட்சென்ஸ்

கடந்த ஆட்சென்ஸ் பதிவில் ப்ளாக்ஸ்பாட் (blogspot) தளங்களுக்கு ஆட்சென்ஸ் கிடையாது என்றும், கஸ்டம் டொமைன் வாங்க வேண்டுமென்றும் கூறியிருந்தேன். அது தவறு, ப்ளாக்ஸ்பாட் தளங்களுக்கும் ஆட்சென்ஸ்  கிடைக்கும். எப்படி என்று இப்பதிவில் பார்ப்போம்.


ஆட்சென்ஸ் கணக்கில் Hosted Account, Non-Hosted Account என்று இரண்டு வகைகள் உள்ளது.

Hosted Account
- யூட்யூப், ப்ளாக்ஸ்பாட் போன்ற தளங்கள் மூலம் விண்ணப்பிக்கும் கணக்கு Hosted Account ஆகும். இவ்வாறு பெறப்படும் ஆட்சென்ஸ் கணக்கை ப்ளாக்கர் அல்லாத தளங்களில் பயன்படுத்த முடியாது. ஆனால் ஒரு Hosted கணக்கு மூலம் பல ப்ளாக்கர் தளங்களிலும் பயன்படுத்தலாம் (ஒவ்வொரு ப்ளாக்கர் தளங்களுக்கும் தனி தனியாக அப்ரூவல் வாங்க வேண்டும்).

Non-Hosted Account: .com, .net
போன்ற கஸ்டம் டொமைன்களைக்கொண்டு ஆட்சென்ஸ் தளத்தில் நேரடியாக விண்ணப்பிக்கும் கணக்கு Non-Hosted Account. இந்த கணக்கில் முதல் ஒரு தளத்திற்கு அப்ரூவல் கிடைத்துவிட்டால் போதும். அதனைக் கொண்டு எத்தனை தளங்களில் வேண்டுமானாலும் அப்ரூவல் வாங்காமலேயே பயன்படுத்தலாம்.

தமிழ் ப்ளாக்ஸ்பாட் தளங்களுக்கு ஆட்சென்ஸ் வாங்க:

முதலில் உங்கள் ப்ளாக்கர் Dashboard-ல் Earnings பகுதிக்கு சென்று Sign up for Adsense என்பதை க்ளிக் செய்யுங்கள்.


பிறகு உங்கள் நாட்டை தேர்வு செய்து, Yes, I have read and accept the agreement என்ற இடத்தில் டிக் செய்து Create Account என்பதை க்ளிக் செய்யுங்கள்.



பிறகு முந்தைய பதிவில் சொன்னது போல உங்கள் Payment address Details கொடுக்கவும். எல்லாம் செய்த பின் உங்கள் ப்ளாக்கர் தளத்திற்கு சென்று கீழுள்ளவாறு காட்டும்.

உங்கள் தளத்தில் விளம்பரம் எவ்வாறு தெரிய வேண்டும் என்பதை தேர்வு செய்து Save Settings என்பதை க்ளிக் செய்யவும்.

உங்கள் ஆட்சென்ஸ் கணக்கு அப்ரூவல் ஆன பிறகு உங்கள் தளத்தில் விளம்பரங்கள் தெரியும்.

ஆட்சென்ஸ் மூலம் எவ்வளவு சம்பாதிக்கலாம் என்பதை இறைவன் நாடினால் அடுத்த பதிவில் பார்க்கலாம்.



டிஸ்கி: தமிழ் தளங்களுக்கு ஆட்சென்ஸ் வந்துவிட்டதால் நான் மீண்டும் எழுத தொடங்கிவிட்டேன் என்று நினைக்க வேண்டாம். ப்ளாக்கர் நண்பன் தளம் ஆட்சென்ஸால் நிராகரிக்கப்பட்டுள்ளது. இத்தளத்தில் விளம்பரம் தெரியாது.
Creative Commons License இந்த வலைப்பதிவின் உள்ளடக்கம் அனைத்தையும் Creative Commons Attribution-ShareAlike 3.0 Unported License உரிமத்தின் அடிப்படையில் வழங்குகிறேன்.

Friends

Google+ Followers