ப்ளாக்கர் CAPTCHA - இருக்கு ஆனா இல்லை

CAPTCHA என்பதன் விரிவாக்கம் Completely Automated Public Turing test to tell Computers and Humans Apart என்பதாகும்.இணையத்தில் குறிப்பிட்டஉள்ளீட்டை செய்யும்போது (உதாரணத்திற்கு பின்னூட்டம் இடுவது), உள்ளீட்டை செய்பவர் மனிதர் தான் என்பதை உறுதி செய்வதற்காக பயன்படுகிறது.

கூகுள் அறிமுகப்படுத்தியிருக்கும் புதிய Captcha (ப்ளாக்கரில் இல்லை)

ப்ளாக்கரில் வாசகர்கள் பின்னூட்டம் இடும்போது இதை செயல்படுத்தும் வசதி உள்ளது. பெரும்பாலான பதிவர்கள் இந்த வசதியை வைக்க விரும்புவதில்லை.

சமீபத்தில் பிளாக்கர் தளம் பின்னூட்டம் இடும் முறையில் சிறு மாற்றத்தைக் கொண்டு வந்துள்ளது. அதாவது நமது தளத்தில் பெயர் சொல்ல விரும்பாதவர்கள் (அனானிமஸ் :) ) பின்னூட்டம் இடும் வசதியை வைத்திருந்தால், Captcha வசதியை நாம் நீக்கியிருந்தாலும் அனானிமஸ் கண்டிப்பாக Captcha-வை டைப் செய்ய வேண்டும்.

இந்த மாற்றத்தைக் கொண்டு வரும்போது சிறு பிழையும் ஏற்பட்டுள்ளது. பின்னுள்ள படத்தைப் பாருங்கள்.


Comment Location என்பது பின்னூட்டப் பெட்டியின் தோற்றத்தை தேர்வு செய்வதாகும்.
  • Embedded - பதிவின் கீழே பின்னூட்டப் பெட்டி இருக்கும். (இத்தளத்தில் இருப்பது போல) 
  • Full Page - Post a Comment என்பதை க்ளிக் செய்தால் தனி பக்கத்தில் பின்னூட்ட பெட்டி வரும்.
  • Pop-up window - Post a Comment என்பதை க்ளிக் செய்தால் Pop-up window-ல் பின்னூட்ட பெட்டி வரும். 
  • Hide - இதனை தேர்வு செய்தால் யாரும் பின்னூட்டம் இடமுடியாது.
இதில் Embed என்பதை தேர்வு செய்தால் எந்த பிரச்சனையும் இல்லை. ஆனால் "Full Page" அல்லது "Pop-up Window" என்பதை தேர்வு செய்தால் தான் பிரச்சனை.

நீங்கள் Captcha வசதியை  நீக்கியிருந்தாலும் வாசகர்களுக்கு Captcha தெரியும். ஆனால், Captcha தெரிந்தாலும் வாசகர்கள் Captcha எழுத்துக்களை கொடுக்க வேண்டிய அவசியமில்லை. இதை சிம்பிளாக இப்படியும் சொல்லலாம்,  "இருக்கு... ஆனா இல்லை...."


இந்த பிழை பற்றி கூகுளுக்கு புகார் அளிக்கப்பட்டுள்ளது. சரியாகும் வரை "Embedded" வசதியை தேர்வு செய்வது தான் இப்போதைய ஒரே வழி.

Update: இந்த பிழை சரி செய்யப்பட்டுவிட்டது.
Creative Commons License இந்த வலைப்பதிவின் உள்ளடக்கம் அனைத்தையும் Creative Commons Attribution-ShareAlike 3.0 Unported License உரிமத்தின் அடிப்படையில் வழங்குகிறேன்.

Friends

Google+ Followers